Falgun 13, Traffic Update

मकवानपुरको हेटौडा उपमहानगरपालिका ११ नवलपुरमा आज बिहानै ट्रकको ठक्करबाट टेम्पो चालकको मृत्यु भएको छ । मृत्यु हुनेमा हेटौडा ११ कै थानाभर्‍याङका ३६ वर्षीय खेमलाल श्रेष्ठ रहेका छन् । चुरेहिल अस्पतालमा उपचारको क्रममा उनको मृत्यु भएको हो । ना ६ ख ४०४४ नम्बरको ट्रकले ना १ ह ३४०८ नम्बरको टेम्पोलाई आज बिहान पौने ६ ठक्कर दिएको थियो । फरार रहेका ट्रक चालकलाई प्रहरीले नियन्त्रणमा लिएको छ ।

सुनसरीको बराहक्षेत्र नगरपालिका ५ भरोलमा गएराती बोलेरो जीपको ठक्करबाट मोटरसाइकल चालकको मृत्यु भएको छ । मृत्यु हुनेमा स्थानीय २५ वर्षीय डिगन गुरुङ रहेका छन् । विपी कोइराला स्वास्थ्य विज्ञान प्रतिष्ठान धरानमा उपचारको क्रममा गुरुङको मृत्यु भएको हो । घाइते भएका मोटरसाइकलमा पछाडी सवार सोही ठाउँका २६ वर्षीय कृष्ण कुमार राजधामीको सोही अस्पतालमा उपचार भइरहेको छ । गएराती पौने १२ बजे को १ ज ३७६१ नम्बरको बोलेरो जीपले ना ३९ प ५०७६ नम्बरको मोटरसाइकललाई ठक्कर दिएको थियो ।