Shrawan 24, Traffic Update

रुपन्देहीको रोहिणी गाउँपालिका ४ छिपागाडमा गएराती कार दुर्घटना हुँदा ३ जनाको मृत्यु भएको छ । कारमा सवार १ जना भने गम्भीर घाइते भएका छन् । परासीबाट भैरहवा तर्फ जादै गरेको लु २ च ६७५६ नम्बरको कार गएराती साढे ९ बजे अनियन्त्रित भई सडकबाट अन्दाजी १० मिटर तल खसेको हो । कार दुर्घटनामा गम्भीर घाइते भएका चार जनालाई उपचारको लागि भीम अस्पताल भैरहवा पठाइएको थियो । उपचारकै  क्रममा ३ जनाको राती साढे १० बजे मृत्यु भएको अस्पताल स्रोतले जनाएको छ । गम्भीर घाइते भएका अर्का एक जनालाई थप उपचारको लागि युनिभर्सल कलेज अफ मेडिकल भैरहवा पठाइएको छ । मृतक र घाइते चारै जनाको नाम थर वतन खुल्न बाँकी रहेको ईलाका प्रहरी कार्यालय धकधइले जनाएको छ ।

चितवनको कालिका नगरपालिका २ भट्टचोकमा हिजो मोटरसाइकलको ठक्करबाट एक वृद्धको मृत्यु भएको छ । मोटरसाइकल चालक भने घाइते भएका छन् । स्थानीय ८० वर्षिय बुद्धिमान दराइको  मृत्यु भएको हो । गम्भीर घाइते भएका दराइको उपचारको क्रममा कलेज अफ मेडिकल साइन्स अस्पताल भरतपुरमा मृत्यु भएको हो । घाइते भएका मोटरसाइकल चालक सोही ठाँउका १८ वर्षिय सुजन रिजालको  सोही अस्पतालमा उपचार भइरहेको छ । हिजो साँझ सवा ६ बजे पैदल हिडीरहेका बृद्धलाई ना ३० प ५४९२ नम्बरको मोटरसाइकलले ठक्कर दिएको थियो । मोटरसाइकल सहित चालकलाई ईलाका प्रहरी कार्यालय टाँडीले नियन्त्रणमा लिएको छ ।

सप्तरीको सम्भुनाथ नगरपालिका १ मा गएराती मोटरसाइकलको ठक्करबाट साईकलयात्रीको मृत्यु भएको छ । मोटरसाईकल चालक गम्भीर घाइते भएका छन् । साइकलयात्री स्थानीय ३५ वर्षीय देवनाथ यादवको घटनास्थलमै मृत्यु भएको हो । घाइते भएका मोटरसाइकल चालक स्थानीय २६ वर्षीय अमृत चौधरीलाई उपचारका लागी युनिक अस्पताल रुपनी लगिएको छ । पुर्व पश्चिम लोकमार्गमा पुर्वबाट पश्चिम तर्फ जादै गरेको स १० प ८४९८ नम्बरको मोटरसाइकलले गएराती सवा ९ बजे सोही दिशा तर्फ जादै गरेको साइकललाई ठक्कर दिएको ईलाका प्रहरी कार्यालय रुपनी सप्तरीले जनाएको छ ।

चितवनको भरतपुर महानगरपालिका ७ कटहरचोकमा हिजो बेलुकी एम्बुलेन्सको ठक्क्करबाट एक वृद्ध गम्भीर घाइते भएका छन् । घाइते हुनेमा भरतपुर महानगरपालिका १४ का ७५ वर्षिय बलभद्र भण्डारी रहेका छन् । चितवन मेडिकल कलेज भरतपुरमा घाइते बृद्धको उपचार भइरहेको छ । हिजो बेलुकी सवा ७ बजे पैदल हिडीरहेका भण्डारीलाइ ना १ झ ९७७ नम्बरको एम्बुलेन्सले ठक्कर दिएको थियो । एम्बुलेन्स सहित चालकलाई जिल्ला प्रहरी कार्यालय चितवनले नियन्त्रणमा लिइसकेको छ ।