Ashar 18, Traffic Update

दाङको तुलसीपुर उपमहानगरपालिका ८ मा आज दुईओटा मोटरसाइक आपसमा ठोकिदा दुबै मोटरसाइकलमा ४ जना घाइते भएका छन् । आज बिहान पौने १० बजे रा ५ प ८०९५ नम्बरको मोटरसाइकल  र रा ५ प ६५२५ नम्बरको मोटरसाइकल आपसमा ठक्कर खाएको हो । दुर्घटनामा परी घाइते हुनेमा ८०९५ नम्बरको मोटरसाइकल चालक दाङकै तुलसीपुर उपमहानगरपालिका २ का ३० वर्षिय गुरु प्रसाद चौधरी, पछाडि सवार बबई गाउँपालिका ५ का ३२ वर्षिय पुर्ण राम चौधरी ६५२५ नम्बरको मोटरसाइकल चालक शान्तिनगर गाउँपालिका १ का २० वर्षिय शंकर परियार र मोटरसाइकलमा पछाडि सवार बबई गाउँपालिका १ की ४८ वर्षिय पबी डाँगी रहेका छन् । घाइतेहरुलाई उपचारको लागी राप्ती प्रादेशिक अस्पताल तुलसीपुर पठाइएको दाङ प्रहरीले जनाएको छ । 

भक्तपुरको मध्यपुर ठिमी नगरपालिका ९ बोडेमा बोलेरो जिपको ठक्करबाट एक युवती गम्भिर घाइते भएकी छिन् । घाइते हुनेमा दोलखाको गौरीशंखर गाउँपालिका ८ घर भई हाल भक्तपुर बोडे बस्ने २२ बर्षीया सविता खड्का रहेकी छिन् । घाइते भएकी खड्काको बि. एण्ड. बि. अस्पताल ग्वार्कोमा उपचार भइरहेको छ । आज बिहान पौने ८ बजे को २ च २११९ नम्वरको बोलेरो जिपले पैदल हिडिरहेकी युवतीलाई ठक्कर दिएको हो । ठक्कर दिने जिप सहित चालकलाई नियन्त्रणमा लिएको महानगरीय प्रहरी वृत्त ठिमीले जनाएको छ ।