Ashoj 13, Traffic Update

नवलपरासी बर्दघाट सुस्तापुर्व कावासोती नगरपालिका ४ हसौरामा गएराती ट्याक्टरबाट खसेर एक युवकको मृत्यु भएको छ । स्थानीय २३ वर्षीय खिम बहादुर सारु मगरको मृत्यु भएको हो । गएराती साढे १० बजे हसौराबाट जुकेपानीतर्फ जाँदै गरेको ना ४ त १२८४ नम्बरको ट्याक्टरबाट उनी खसेका हुन् । गम्भीर घाइते भएका उनको उपचारका क्रममा नयाँ मेडिकल कलेज चितवनमा मृत्यु भएको हो । ट्याक्टर चालकलाई जिल्ला प्रहरी कार्यालय नवलपरासी पूर्वले नियन्त्रणमा लिएको छ ।

झापाको कमल गाउँपालिका ५ मा आज भएको सवारी दुर्घटनामा एक जना प्रहरी कर्मचारी घाइते भएका छन् । आज बिहान पौने ९ बजे पूर्वबाट पश्चिमतर्फ आउँदै गरेको को १९ प ७९०७ मोटरसाइकल र मे १ च ६७५२ नम्बरको पिकअप गाडी दुर्घटना भएको हो । दुर्घटनामा परी मोटरसाइकल चालक ईलाका प्रहरी कार्यालय अनारमनीमा कार्यरत प्रहरी जवान मदन श्रेष्ठ घाइते भएका हुन् । घाइते श्रेष्ठलाई उपचारको लागी लाइफ लाइन अस्पताल दमक पठाइएको छ । दुबै सवारी साधन र पिकअप चालकलाई ईलाका प्रहरी कार्यालय दमकले नियन्त्रणमा लिएको छ ।

सुर्खेतको बिरेन्द्रनगर नगरपालिका ९ मा आज मोटरसाइकल दुर्घटनामा हुँदा चालक घाइते भएका छन् । घाइते हुनेमा मोटरसाइकल चालक कालिकोट घर भएका २५ वर्षिय नवराज बि.क. रहेका छन् । घाइतेको माया नर्सिङ होम सुर्खेतमा उपचार भइरहेको छ । आज बिहान ११ बजे  भे २ प ५३२३ नम्बरको मोटरसाइकल अनियन्त्रित भई पल्टिदा दुर्घटनामा भएको हो ।