Kartik 06, Traffic Update

काठमाडौंको हलचोकमा आज बिहान बसको ठक्करबाट एक महिलाको मृत्यु भएको छ । नागर्जुन नगरपालीका-३ ठुलो भर्‍याङ बस्ने ६७ बर्षीया सानुमाया श्रेष्ठको मृत्यु भएको हो । आज बिहान ९ बजे बा ४ ख ८४०६ नम्बरको बसको ठक्करबाट गम्भीर घाइते भएकी उनको उपचारको क्रममा स्वयम्भु स्थित मनमोहन अस्पतालमा मृत्यु भएको महानगरीय प्रहरी वृत्त स्वयम्भुले जनाएको छ । बस सहित चालकलाई प्रहरीले नियन्त्रणमा लिईसकेको छ ।

डोल्पाको त्रिपुरा सुन्दरी नगरपालिका-१ भित्तेमा आज मोटरसाइकल पल्टिदा १ जनाको मृत्यु भएको छ । १ जना भने घाइते भएका छन् । मृत्यु हुनेमा मोटरसाइकलमा पछाडी सवार ठुली भेरी नगरपालिका-३ का अन्दाजी २५ वर्षीय ज्ञान बहादुर बुढा रहेका छन् । उपचारको क्रममा जिल्ला अस्पतालमा उनको मृत्यु भएको प्रहरीले जनाएको छ । घाइते भएका मोटरसाइकल चालक ठुलीभेरी नगरपालिका-१ का २४ वर्षीय काजीमान वि.कको भने सोही अस्पतालमा उपचार भइरहेको छ । त्रिपुराकोटबाट दुनैतर्फ जाँदै गरेको भे ८ प ९१५६ नम्बरको मोटरसाइकल आज बिहान सवा ८ नियन्त्रणमा गुमाएर सडकबाट करिब १० मीटर तल खसेको थियो ।

मकवानपुरको बकैया गाँउपालीका-४ तामारखोलामा आज बिहान मोटरसाइकलको ठक्करबाट पैदलयात्रीको मृत्यु भएको छ । बकैया गाँउपालीका-७ अँधेरीका अन्दाजी ५५ बर्षीय कृष्ण बहादुर ल्होको मृत्यु भएको हो । आज बिहान साढे ९ बजे हात्तिसुडेबाट हेटौडा तर्फ जाँदै गरेको प्रदेश ३, ०३ ००१ प ६२० नम्बरको मोटरसाइकलको ठक्करबाट गम्भीर घाइते भएका उनको उपचारको क्रममा चुरेहिल अस्पतालमा बिहान साढे १० बजे मृत्यु भएको प्रहरी चौकी हात्तिसुडेले जनाएको छ । दुर्घटनामा सामान्य घाइते भएका मोटरसाइकल चालकको प्रहरीको निग्रानीमा स्थानिय अस्पतालमा उपचार भैरहेको छ ।