वैशाख १२ गते, मध्यान्ह १२:०० बजेको, ट्राफिक अपडेट

काठमाडौँ उपत्यकाको चाबहिल-कोटेश्वर चल्ने सवारी साधनलाई विभिन्न स्थानबाट डाईभर्सन गरिएको छ । नेपालको २ दिने राजकिय भ्रमण सकाएर आज मित्रराष्ट्र कतारका अमिर, शेख तमिम बिन हमाद अल थानीको स्वदेश फिर्तीको कार्यक्रम रहेकाले सुरक्षा संवेदनशिलतालाई मध्येनजर गर्दै भ्रमण मार्गमा सञ्चालन हुने सबै प्रकारका सवारी साधनलाई डाइभर्सन गरिएको ट्राफिक कन्ट्रोल रुमले जनाएको छ । भ्रमण मार्गको प्रयोग नगरी अन्य वैकल्पिक मार्गको प्रयोग गरी यात्रा सहज बनाउनु हुन सम्बद्ध सबैमा ट्राफिक प्रहरीले अनुरोध गरेको छ । उपत्यकाका अन्य मुख्य मुख्य चोकमा सवारी साधन क्युमा चलिरहेका छन् । चावहिल, मित्रपार्क, कोटेश्वर, मुनिभैरव, नारायणगोपाल चोक, बालाजु, सानेपा, बल्खु, सातदोबाटो, सिनामंगल ग्वार्को चोकमा क्युको अवस्था रहेको हो । यस्तै, त्रिपुरेश्वर, थापाथली, माईतीघर, कुपण्डोल, सोह्रखुट्टे, केशरमहल, लगायतका चोकहरूमा पनि सवारी साधन केही क्युमा चलिरहेका छन् । स्थानीय जात्राका कारण काठमाडौँको हाँडीगाउँ तर्फ आउने सवारी साधनलाई ढल्कु, कृष्णमन्दिर, गहनापोखरी र कालोपुल कोरीडोरबाट डाईभर्सन गरिएको छ ।