काठमाडौंको कोटेश्वर हुँदै भक्तपुरको ठिमि तर्फ जाने ठुला मालबाहक गाडी र भाडा बसहरुलाई जडिबुटीबाट पेप्सिकोला तर्फ डाईभर्सन गरिएको छ । भक्तपुरका विभिन्न स्थानमा मानिसहरु भेला जम्मा भएका कारण सवारी साधनलाई डाइभर्सन गरिएको हो । जसका कारण कोटेश्वर, जडिबुटी, ग्वार्को, लोकन्थली, गठ्ठाघर र ठिमि हुँदै चल्ने सवारी साधन क्युमा चलिरहेका छन् । यस्तै उपत्यकाको माइतिघर, थापाथली, कुपण्डोल, त्रिपुरेश्वर, सोह्रखुट्टे र लैनचौर हुँदै चल्ने सवारी साधन यतिबेला क्युमा चलिरहेका छन् । यस बाहके उपत्यकाको मुख्य - मुख्य चोक हुँदै चल्ने सवारी साधन ट्राफिक व्यवस्थापनका क्रममा केही समय रोकिनु पर्ने अवस्था रहेको छ । विभिन्न नाका प्रयोग गरी उपत्यका भित्रिने तथा बाहिरिने सवारी साधन भने समान्य रुपमा संचालन भईरहेको ट्राफिक कन्ट्रोल रुमले जानकारी दिएको छ ।
