मंसिर २३ गते, दिउँसो ०१:३० बजेको, ट्राफिक अपडेट
२०८१-०८-२३
काठमाडौंको किर्तिपुर स्थित टियु क्रिकेट मैदानतर्फ जाने तथा आउने सवारी साधनलाई आज पनि डाइभर्सन गरिएको छ । क्रिकेट खेलका कारण उक्त स्थान हुँदै चल्ने सवारी साधनलाई टियुगेट र किर्तिपुर स्थित तिनकुनेबाटै डाईभर्सन गरिएको हो । क्रिकेट हेर्न जाने दर्शकहरूको सवारी साधनको लागि त्रिभुवन विश्वविद्यालयको खुल्ला चौरमा पार्किङको व्यवस्था समेत मिलाइएको छ । तोकिएको स्थानमा सवारी साधन पार्किङ गर्नुहुन ट्राफिक प्रहरीले अनुरोध समेत गरेको छ ।काठमाडौँ उपत्यकाको ग्वार्को, जडिबुटी, कोटेश्वर, गौशाला, मित्रपार्क, चावाहिल, नारायणगोपालचोक, माईतिघर, थापाथली, त्रिपुरेश्वर, केशरमहल, लैनचौर, सोह्रखुट्टे लगायतका चोकमा सवारी साधन ट्राफिक व्यवस्थापनका क्रममा केही समय रोकिनुपर्ने अवस्था रहेको छ । बिभिन्न नाका हुँदै उपत्यका भित्रिने र बाहिरिने सवारी साधन भने सामान्य तवरले सञ्चालन भइरहेको ट्राफिक कन्ट्रोल रुमले जानकारी दिएको छ ।
