विशेष अभियान अन्तर्गत सार्वजनिक सवारी साधनका चालक,चार पाङ्ग्रे तथा दुई पाङ्ग्रे सवारी साधन लाई लक्षित गरी विशेष सचेतना कार्यक्रम सम्पन्न ।
२०८३-०२-२८
- A
- A-
- A+
आज मिति २०८३।०२।२८ गते, काठमाण्डौ उपत्यकाका बिभिन्न स्थानहरूमा ट्राफिक प्रहरीद्वारा सार्वजनिक सवारी साधनका चालक, चार पाङ्ग्रे तथा दुई पाङ्ग्रे सवारी साधन लाई लक्षित गरी विशेष सचेतना कार्यक्रम प्रभावकारी रूपमा सञ्चालन गरिएको छ ।
साथै आरक्षण सिटको अनिवार्य कार्यान्वयन सुनिश्चित गर्ने, भाडादर सूची स्पष्ट र देखिने स्थानमा टाँस गर्ने, सवारी साधनमा CCTV क्यामेरा जडान गर्ने तथा GPS प्रणाली जडान गरी सवारीको निगरानी, पारदर्शिता र यात्रु सुरक्षालाई थप सुदृढ बनाउने सम्बन्धमा विशेष जोड दिँदै सचेतना अभिवृद्धि गरिएको छ । सवारी साधन सुरक्षित तथा जिम्मेवार ढंगले सञ्चालन गर्ने, ट्राफिक नियमहरूको पूर्ण पालना गर्ने, क्षमता भन्दा बढी यात्रु नओसार्ने, यात्रुहरूसँग सभ्य, शिष्ट र मर्यादित व्यवहार गर्ने लगायतका विषयमा विस्तृत रूपमा जानकारी तथा जनचेतना प्रदान गरिएको थियो ।
साथै उक्त कार्यक्रम मार्फत सार्वजनिक सवारी साधनहरूले बसपकेट बाहिर जथाभावी सवारी नरोक्न, ढोका खुला राखी ढोकामै यात्रु राखि सवारी सञ्चालन नगर्न, जेब्रा क्रसिङमा सवारी नरोक्ने ,लागुपदार्थ ,मादक पदार्थ सेवन नगर्न तथा लेफ्ट लेन अवरुद्ध नगरी ट्राफिक नियम उल्लङ्घन नगर्न सवारी साधनहरूलाई सचेतना कार्यक्रम गरिएको छ ।
यस अभियानले सडक दुर्घटना न्यूनीकरण, ट्राफिक अनुशासन प्रवर्द्धन तथा यात्रुहरूको सुरक्षित, सहज र भरपर्दो यात्रा सुनिश्चित गर्ने उद्देश्य राखिएको छ ।