माघ ११, दुर्घटना खवर ।

२०७९-१०-११

A
A^-
A⁺

मोरङको बुढीगंगा गाउँपालिका ३ मुडेरीमा आज साइकल दुर्घटना हुँदा चालकको मृत्यु भएको छ । सुनसरीको दुहवी नगरपालिका १२ का ४८ वर्षीय देव कुमार उराउ सवार रहेको साइकल आज बिहान ९ बजे अनियन्त्रित भएर पल्टिएको थियो । विराट मेडिकल टिचिङ अस्पतालमा उपचारको क्रममा पौने १० बजे उराउको मृत्यु भएको ईलाका प्रहरी कार्यालय नेमुवाले जनाएको छ ।

उदयपुरको चौदण्डीगढी नगरपालिका १० देवधारमा आज टाटा सुमो र मोटरसाइकल आपसमा ठोकिदा मोटरसाइकलमा सवार २ जना घाइते भएका छन् । घाइते हुनेमा मोटरसाइकल चालक सुनसरीको ईटहरी उपमहानगरपालिका १३ का २१ वर्षीय सरोज कुमार चौधरी र मोटरसाइकलमा सवार ३० वर्षीय सुमन खत्री रहेका छन् । घाइते दुवैजनालाई उपचारको लागी चौदण्डीगढी नगर अस्पताल बेल्टारतर्फ पठाइएको छ । घाइतेमध्ये खत्रीको अवस्था भने गम्भीर रहेको छ । बा ९ च ३८४६ नम्बरको टाटा सुमो र प्रदेश नम्बर १ -०२-०४५ प ७८४७ नम्बरको मोटरसाइकल आज बिहान साढे ११ बजे आपसमा ठोकिएका हुन् । सुमो सहित चालक नियन्त्रणमा रहेको ईलाका प्रहरी कार्यालय बेल्टार उदयपुरले जनाएको छ ।

सम्बन्धित समाचार

माघ १३ अपरान्ह ०४:३० बजे, ट्राफिक अपडेट

२०७९-१०-१३

पिक आवरमा बढेका सवारी साधनका कारण काठमाण्डौ उपत्यकाको एयरपोर्ट गेट, सिनामंगल, सिंहदरबार, माईतीघर र थापाथली चोक हुँदै चल्ने सवारी साधन क्युमा चलिरहेका छन् । क्यु रहेका स्थानमा ट्राफिक प्रहरीले सवारी आवागमन सहज बनाउने प्रयास गरिरहेको छ । यसबाहेक उपत्यकाको अन्य मुख्य मुख्य चोकमा सवारी साधन ट्राफिक व्यवस्थापनको क्रममा केही समय रोकिनु पर्ने अवस्था रहेको छ । नाकाहरूको सवारी आवागमन भने सामान्य रहेको ट्राफिक कन्ट्रोल रुमले जनाएको छ ।

माघ १३, दुर्घटना खवर ।

२०७९-१०-१३

सुनसरीको रामधुनि नगरपालिका ३ पिडारीमा आज बिहान मोटरसाइकल दुर्घटना हुँदा चालक गम्भीर घाईते भएका छन् । घाईते भएका चालक अन्दाजी २९ बर्षीय सुरज चौधरीलाई उपचारको लागि बिराट नर्सिङहोम बिराटनगर पठाएको छ । को ९ प ९९०२ नम्बरको को मोटरसाइकल आज बिहान साढे ६ बजे अनियन्त्रित भई सडकमै पल्टिएको ईलाका प्रहरी कार्यालय पकलीले जनाएको छ ।

माघ १२, दुर्घटना अपडेट ।

२०७९-१०-१२

महोत्तरीको बर्दिबास नगरपालिका ३ पाटु मोडमा आज ट्याक्टर दुर्घटना हुँदा १ जनाको मृत्यु भएको छ भने २८ जना घाइते भएका छन् । मृत्यु हुनेमा ट्याक्टरमा सवार अन्दाजी ५० वर्षीया महिला रहेकी छिन् । उपचारको लागि अस्पताल लैजाने क्रममा उनको बाटोमै मृत्यु भएको र सनाखत हुन बाँकी रहेको महोत्तरी प्रहरीले जनाएको छ । घाइते मध्ये ७ जनाको उपचार शुभ स्वस्तिक अस्पतालमा ९ जनाको बर्दिबास स्थित साई मल्टि स्पेसिलिटी अस्पतालमा र १२ जनाको जनसेवा अस्पतालमा उपचार भइरहेको छ । सिन्धुलीको लङ्गुर खोलाबाट बर्दिबासतर्फ जाँदै गरेको प्रदेश २–०२–००१ त २२६४ नम्बरको ट्याक्टर आज बिहान साढे १० बजे पल्टिएको थियो । दुर्घटना पश्चात फरार रहेका चालकको खोजी भइरहेको छ ।सुनसरीको इनरूवा नगरपालिका ३ मा आज मोटरसाइकलको ठक्करबाट एक बालक गम्भिर घाइते भएका छन् । घाइते हुनेमा सुनसरीकै भोक्राह नरसिंह गाउँपालिका ३ बस्ने कुमोद यादवका ८ वर्षीय छोरा ओम नारायण रहेका छन् । घाइते बालकलाई उपचारको लागी न्यूरो अस्पताल बिराटनगर पठाएको छ । नम्बर नखुलेको मोटरसाइकलले आज बिहान सवा १० बजे बालकलाई ठक्कर दिएको हो । मोटरसाइकल सहित फरार रहेका चालकको खोजी भइरहेको छ ।

पुष १०, दुर्घटना खवर ।

२०७९-१०-१०

सुनसरीको ईटहरी उपमहानगरपालिका १७ लबिपुरमा आज ट्रकको ठक्करबाट स्कुटर चालक घाइते भएका छन् । सुनसरीकै रामधुनी बस्ने २५ वर्षीय सानु चौधरी घइते भएका हुन् । घइतेलाई उपचारको लागि नोवेल अस्पताल बिराटनगर पठाएको छ । ना ५ ख ६१८४ नम्बरको ट्रकले मधेश प्रदेश ०१-००४ प ६११९ नम्बरको स्कुटरलाई आज दिउँसो साढे १२ बजे ठक्कर दिएको हो । दुबै सवारी साधन सहित ट्रक चालकलाई ईलाका प्रहरी कार्यालय पकलीले नियन्त्रणमा लिएको छ ।

मोटिभेसनल फुटबल प्रतियोगिता सम्पन्न ।

२०७९-०९-०९

काठमाण्डौ उपत्यका ट्राफिक प्रहरी कार्यालयको आयोजनामा आज मोटिभेसनल फुटबल प्रतियोगिता सम्पन्नभएको छ । काठमाण्डौ उपत्यका ट्राफिक प्रहरी कार्यालयकी प्रमुख प्रहरी नायब महानिरीक्षक मीरा चौधरीले फुटबल हस्तान्तरण गरेर खेलको सुरुवात गर्नु भएको थियो । जावलाखेल युथ क्लबको खेल मैदानमा काठमाण्डौ उपत्यका ट्राफिक प्रहरी कार्यालय र त्यस मातहतका कार्यालयका बिचमा भएको फुटबल प्रतियोगिमा काठमाण्डौ उपत्यका ट्राफिक प्रहरी कार्यालयले २–१ गोल अन्तरले जित हासिल गरेको छ । काठमाण्डौ उपत्यका ट्राफिक प्रहरी कार्यालयका लागि प्रहरी वरिष्ठ नायब निरीक्षक अनुप राउतले पहिलो गोल गरेर आफ्नो टिमलाई अग्रता दिलाउनु भएको थियो भने दोस्रो प्रहरी जवान दशरथ गिरीले गर्नु भएको हो । मातहतका कार्यालयहरुको तर्फबाट भने राज कुमार चौधरीले खेलको अन्तिम समयमा आफ्नो टिमका लागि गोल गर्नु भएको थियो । स्वास्थ्यलाई पनि ध्यानमा राखि कर्मचारीहरुमा सद्भाव, उत्प्रेरणा र पुनर्ताजगी प्रदान गर्ने उदेश्यका साथ फुटबल प्रतियोगिताको आयोजना गरिएको कार्यालयका प्रवक्ता एवम् प्रहरी वरिष्ठ उपरीक्षक राजेन्द्र प्रसाद भट्टले बताउनु भएको छ । खेलमा काठमाण्डौ उपत्यका ट्राफिक प्रहरी कार्यालयको नेतृत्व प्रहरी उपरीक्षक अवदेश विष्ट क्षेत्रीले गर्नु भएको थियो भने मातहतका कार्यालयहरूको नेतृत्व ट्राफिक प्रहरी वृत्त कालीमाटीका प्रमुख प्रहरी निरीक्षक इन्द्रजित सुनारले गर्नु भएको थियो ।