काठमाडौंको महेन्द्रशालिकबाट कृष्णपाउरोटी चोकतर्फ आउने ठुला सवारी साधनलाई डाइभर्सन गरिएको छ । काठमाडौं प्लाजा नजिकै सडक भासिएका कारण ठुला सवारी साधनलाई डाइभर्सन गरिएको हो । पिक आवरमा बढेका सवारी साधनका कारण काठमाडौं उपत्यका स्थित बबरमहल, थापाथली, माइतिघर, त्रिपुरेश्वर, भोटेबहाल, केशरमहल, लैनचौर, गल्कोपाखा र कृष्णपाउरोटी चोकमा सवारी साधन क्युमा चलिलहेका छन् । यसबाहेक काठमाडौं उपत्यकाको अन्य मुख्य - मुख्य चोकमा सवारी साधन ट्राफिक व्यवस्थापनका क्रममा केही समय रोकिनुपर्ने अवस्था रहेको छ । विभिन्न नाका प्रयोग गरी काठमाडौं उपत्यका भित्रिने तथा बाहिरीने सवारी साधनको आवागमन भने सामान्य रहेको छ ।
