चैत्र ३० गते, दिउँसो ०१:०० बजेको, ट्राफिक अपडेट

काठमाडौँ उपत्यकाका माइतीघर, थापाथली र त्रिपुरेश्वर हुँदै चल्ने सवारी साधन क्युमा चलिरहेका छन् । क्यु रहेको स्थानमा ट्राफिक प्रहरीले सवारी आवागमन सहज बनाउने प्रयास गरीरहेको छ । यस बाहेक उपत्यकाका अन्य मुख्य-मुख्य चोकहरु सातदोबाटो, ग्वार्को, कोटेश्वर, नयाँबानेश्वर, गौशाला, मित्रपार्क, चाबहिल, कालिमाटी, केशरमहल, लैनचौर, सोह्रखुट्टे, र नारायणगोपालचोकमा भने सवारी साधन ट्राफिक व्यवस्थापनका क्रममा केही समय पालोमा रोकिनु पर्ने अवस्था रहेको छ । फर्पिङ नाकाको हुमाने र फाखेल हुदै चल्ने सवारी साधन आज पनि चल्न सकेका छैनन् ।  सडकमा कालोपत्रेको काम भइरहेकाले उक्त नाका हुँदै चल्ने सवारी साधनलाई रोक लगाइएको हो । त्यस्तै कान्तिलोकपथ हुँदै चल्ने सवारी साधन पनि सडक मर्मतका कारण बिहान १० बजे देखि साँझ ५ बजे सम्म संचालनमा रोक लागाईएको ट्राफिक कन्ट्रोल रुमले जनाएको छ ।