काठमाण्डौ उपत्यका ट्राफिक प्रहरी कार्यालयले विगत लामो समयदेखि स्वरुप परिवर्तन (Modified) गरी ठुलो आवाज निकाली ध्वनी प्रदुषण गरी मोटरसाइकल चलाउने  चालकहरुलाई कारवाही गर्दै आएको थियो । पछिल्लो समय मिति २०८२।०२।२० गते देखि बिशेष अभियान चलाइ त्यस्ता मोटरसाईकल चालकहरुमाथि मिति २०८२।०२।२० गते देखि आज मिति २०८२।०२।२२ गते सम्म कारवाही गर्ने क्रममा ७६ वटा मोटरसाइकल सहित चालकहरुलाई नियन्त्रणमा लिई यातायात व्यवस्था विभागमा कारवाहीको लागि  पठाईएको छ ।शहरी क्षेत्रमा हो-हल्ला गर्दै हिड्ने ,ध्वनी प्रदुषण गर्ने,साईलेन्सर पाईपवाट आगोको झिल्का समेत निकाल्ने मोटरसाईकलहरु तपाइहरुको वडा एरियामा चलाएको देखेमा उक्त मोटरसाईकल नम्बर ट्राफिक प्रहरीको हटलाईन नम्बर १०३ र नेपाल प्रहरीको १०० नम्बर मा जानकारी गराईदिनुहुन काठमाण्डौ उपत्यका ट्राफिक प्रहरी कार्यालय अनुरोध गर्दछ ।  तपाईहरुले दिएको सुचना गोप्य राखिने छ ।