छलफल तथा अन्तरक्रिया कार्यक्रम

२०८२-०५-०४

A
A^-
A⁺

काठमाडौं उपत्यकाको ट्राफिक व्यवस्थापनलाई थप व्यवस्थित तथा नागरिक मैत्री बनाउने उदेश्यको साथ आज काठमाडौँ उपत्यका ट्राफिक प्रहरी कार्यालयमा अवकाश प्राप्त प्रहरी महानिरीक्षक प्रकाश अर्याल, अवकाश प्राप्त प्रहरी अतिरिक्त महानिरीक्षक केदार प्रकाश साउद, कमल सिंह बम र अवकाश प्राप्त प्रहरी वरिष्ठ उपरीक्षक आमोद चन्द्र गुरुङ्गसँग उपत्यका ट्राफिक प्रहरी कार्यालय तथा मातहतका कार्यालय प्रमुख सहितको सहभागितामा छलफल, अन्तरक्रिया कार्यक्रम सम्पन्न भएको । यस छलफल तथा अन्तरक्रिया कार्यक्रममा आएको विषयको सम्बोधन गरी नागरिकमैत्री सेवामा तत्पर रहन यस कार्यालयका प्रमुख प्रहरी वरिष्ठ उपरीक्षक नवराज अधिकारीले सम्पूर्ण यूनिट ईन्चार्जहरुलाई निर्देशन समेत दिनुभएको ।

सम्बन्धित समाचार

भदौ १३ गते, दिउँसो ०२:०० बजेको, ट्राफिक अपडेट

२०८२-०५-१३

काठमाडौँको पुरानो बसपार्कबाट रणोद्विपतर्फ र्‍याली भइरहेकाले पुरानोबसपार्क हुँदै भद्रकालितर्फ आउँने सवारी साधन एक लेनमा चलिरहेका छन् । र्‍याली घण्टाघर, कमलादी हुँदै कृष्णपाउरोटी सम्म पुग्ने कार्यक्रम रहेको छ । जसका कारण तिनधारा पाठशाला, रणोद्विप हुँदै चल्ने सवारी साधन क्युमा चलिरहेका छन् । त्यस्तै माईतिघरबाट सर्भिस लेन भएर थापाथलीतर्फ जाने सवारी साधनलाई मुख्य लेनबाट चलाइएको छ । सर्भिस लेनमा मानिसहरु भेला जम्मा भएका कारण सवारी साधनलाई मुख्य लेनबाट चलाइएको हो । जसका कारण बबहरमहलबाट माईतिघरतर्फ आउने सावरी साधन केही क्युमा चलिरहेका छन् । क्यु रहेका स्थानमा ट्राफिक प्रहरीले सवारी आवागमन सहज बनाउने प्रयास गरिरहेको छ । यसबाहेक अन्य मुख्य मुख्य चोकमा सवारी साधन ट्राफिक व्यवस्थापनका क्रममा केही समय रोकिनु पर्ने अवस्था रहेको छ । विशेषगरी सातदोबाटो, जडिबुटी, कोटेश्वर, गौशाला, मित्रपार्क, चाबहिल, नारायणगोपालचोक, बालाजु, सोह्रखुट्टे, लैनचौर, केशरमहल, सिंहदरबार, कालिमाटी र नयाँबानेश्वर चोकमा सवारी साधन केही समय रोकिनु पर्ने अवस्था रहेको छ । विभिन्न नाका हुँदै काठमाडौँ उपत्यका भित्रिने तथा बाहिरिने सवारी साधनको आवागमन भने सामान्य रहेको छ ।

नेपाल प्रहरी कार्यदक्षता मूल्याङ्कन (Police Baton) २०८२ ” अन्तर्गत काठमाडौं उपत्यका ट्राफिक प्रहरी कार्यालयको अनुगमन तथा निरीक्षण सम्पन्न

२०८२-०५-०३

आज मिति २०८२।०५।०३ गते , नेपाल प्रहरी कार्यदक्षता मूल्याङ्कन (Police Baton) २०८२ को पूर्व निर्धारित कार्यक्रम अनुसार २०८२-०५-०३ गते मंगलबार काठमाडौं उपत्यका ट्राफिक प्रहरी कार्यालय, रामशाहपथमा अनुगमन तथा निरीक्षण कार्यक्रम सम्पन्न भएको छ । “कार्यदक्षता मूल्याङकन (Police Baton) २०८२” केन्द्रीय मूल्याङ्कन समितिका संयोजक प्रहरी अतिरिक्त महानिरीक्षक डा. मनोज के.सी. सहितको मूल्याङकन टोलीबाट कार्यालयको निरीक्षण तथा अनुगमन गरिएको हो । निरीक्षणको क्रममा कार्यालयको भौतिक पुर्वाधारको अवस्था, उपलब्ध श्रोत साधनहरूको व्यवस्थापन, ट्राफिक प्रहरी कार्य र परिचालन कक्ष, मानवश्रोत व्यवस्थापन लगायत विभिन्न शाखाहरूको अबलोकन तथा निरीक्षण गर्नुका साथै कार्यालयको समग्र काम कारवाहिको सम्बन्धमा समग्र बिषयमा यस कार्यालयका कार्यालय प्रमुख प्रहरी वरिष्ठ उपरीक्षक नवराज अधिकारीवाट प्रस्तुतीकरण भएको थियो ।

सडक र सवारी लक्षित मनसुनजन्य बिपद् न्यूनिकरण अभियान-२०८२

२०८२-०३-११

आज मिति २०८२।०३।११ गते काठमाण्डौ उपत्यका ट्राफिक प्रहरी कार्यालयको आयोजनामा ट्राफिक प्रहरी प्रभाग कलंकीको वडा एरियामा काठमाण्डौ उपत्यका ट्राफिक प्रहरी कार्यालय काठमाण्डौका कार्यालय प्रमुख प्रहरी वरिष्ठ उपरीक्षक नवराज अधिकारीज्यूको प्रमुख आतिथ्यता, प्रहरी वृत्त कालीमाटीका प्रमुख प्र.ना.उ.मधु कुमार थापा, प्रहरी वृत्त थानकोटका प्रमुख प्र.ना.उ.एलिजा गिरी,का.म.न.पा.वडा न.१४ का वडा अध्यक्ष श्री सुमन श्रेष्ठ ज्यू, विभिन्न यातायात मजदुर संगठनका पदाधिकारी, यातायात व्यावसायी, चालक,सहचालक, टिकट बुकिङ काउण्टरहरुमा कार्यरत कर्मचारीहरु समेतको उपस्थितीमा ट्राफिक व्यस्थापन,सवारी दुर्घटना न्यूनिकरण र मनसुनजन्य विपद व्यवस्थापन लगायतका विषयबस्तुमा अन्तर्क्रियात्यमक कार्यक्रम गरीएको साथै नेपाल प्रहरी,ट्राफिक प्रहरी, यातायात मजदुर संगठनका पदाधिकारी, यातायात व्यावसायी, चालक,सहचालक, टिकट बुकिङ काउण्टरहरुमा कार्यरत कर्मचारीहरु समेतको उपस्थितीमा वाफलदेखि कलंकीचोक सम्म सचेतनात्मक प्रभातफेरी गर्नुका साथै यस कार्यालयका प्रहरी निरीक्षक ज्ञान बहादुर माझीद्वारा उक्त कार्यक्रममा अन्दाजी ७२० संख्यामा चालक सह-चालकहरुलाई अनुशिक्षण कार्यक्रम गर्नुभएको ।

असार ११, दुर्घटना खवर ।

२०८२-०३-११

सिरहाको लहान नगरपालिका ३ बिहारपुरमा आज बिहान ट्याक्टरको ठक्करबाट एक बालिकाको मृत्यु भएको छ । स्थानिय संजय यादको छोरी ३ बर्षीया सुजीता सदायको मृत्यु भएको हो । बिहारपुर लहान भित्री सडक खण्डमा स १ त ४० ९९ नम्बरको ट्याक्टरले आज बिहान पौने ८ बजे बालिकालाई ठक्कर दिएको हो । गम्भीर घाईते भएकी बालिकाको उपचारको लागी प्रादेशिक अस्पताल लहान सिराहा पठाएकोमा उपचारको क्रममा मृत्यु भएको हो । ट्याक्टर सहित चालकलाई इलाका प्रहरी कार्यालय लहानले नियन्त्रणमा लिएको छ । दैलेखको भैरवी गाउँपालिका ६ तिजडाँडामा गएराति ट्याक्टर पल्टिदा चालकको मृत्यु भएको छ । १ जना घाइते भएका छन् । कुर्माकोट देखी भैरवी गाउँपालिकातर्फ जाँदै गरेको अस्थायी नम्बरको ट्याक्टर गएराति ११ बजे पल्टिएको थियो । ट्याक्टर चालक दैलेखकै नारायण नगरपालिका १ बस्ने २१ वर्षीय ईश्वर श्रेष्ठ आज बिहान ७ बजे मृत भेटिएका छन् । घाइते भेटिएका भैरवी गाउँपालिका ४ बस्ने १९ वर्षीय सुन्दर विष्टलाई उपचारको लागि जिल्ला अस्पताल पठाइएको इलाका प्रहरी कार्यालय दुल्लु दैलेखले जनाएको छ ।

सडक र सवारी लक्षित मनसुनजन्य बिपद् न्यूनिकरण अभियान-२०८२ शुभारम्भ ।

२०८२-०३-०६

काठमाडौँ उपत्यका ट्राफिक प्रहरी कार्यालय रामशाहपथको आयोजनामा आज सडक र सवारी लक्षित मनसुनजन्य बिपद् न्यूनिकरण अभियान-२०८२ शुभारम्भ भएको छ । काठमाण्डौको गोङ्गबु स्थित नयाँबसपार्कमा आयोजित उक्त समारोहमा प्रमुख अतिथि काठमाडौँ उपत्यका प्रहरी कार्यालयका प्रमुख प्रहरी अतिरिक्त महानिरीक्षक टेक बहादुर तामाङ, नेपाल यातायात व्यवसायी राष्ट्रिय महासंघका अध्यक्ष बिजय बहादुर स्वाँर, नेपाल यातायात स्वतन्त्र मजदुर संघका अध्यक्ष भीमज्वाला राई, नेपाल प्रहरीका पूर्व प्रहरी अतिरिक्त महानिरीक्षक डा. गोबिन्द थापा र यातायात व्यवसायीले मनसुनजन्य बिपद्‍बाट सजग हुनुपर्ने विषयमा आ-आफ्नो मत राख्नु भएको थियो ।कार्यक्रममा बोल्दै प्रमुख अतिथि प्रहरी अतिरिक्त महानिरीक्षक तामाङले मनसुन सम्बन्धी सूचना र सडकको अवस्थाबारे जानकारी लिएर यात्रा गर्दा थप सुरक्षित हुने कुरामा जोड दिनुभयो ।नेपाल यातायात व्यवसायी राष्ट्रिय महासंघका अध्यक्ष स्वाँरले ‘यसवर्ष वर्षा भारी मात्रामा हुने संभावना रहेकाले वर्षातको समयमा मनसुन सम्बन्धी समाचार र तथ्यगत सूचना लिएर मात्र यात्रा गर्न अनुरोध गर्नुभयो ।काठमाडौँ उपत्यकाबाट छुट्ने लामो तथा मध्यम दुरीका सवारी साधनले नयाँबसपार्क, कलंकी, नागढुङ्गा, बल्खु, फर्पिङ, कोटेश्वर, भक्तपुर, चापागाउँ, साँखु, टोखा, तिनपिप्ले र भिमढुंगा गरी १२ वटा स्थानमा स्थापना गरिएका नागरिक सहायता कक्षबाट मनसुन जन्य प्राकृतिक प्रकोप (बाढि/पहिरो) साथै सडकको अवस्था बारे जानकारी दिने तथा सवारी चालक, परिचालक साथै यात्रुले पनि अपनाउनु पर्ने तयारी र सावधानीका विषयमा नागरिक सहायता कक्षमा कार्यरत ट्राफिक प्रहरीले जानकारी दिने उदेश्यका साथ आजै काठमाडौँको नयाँबसपार्क सहित उपत्यकामा माथि उल्लेखित १२ स्थानमा नागरिक सहायता कक्षको स्थापना गरि समुद्‍घाटन गरिएको छ । कार्यक्रममा उपस्थित सम्पूर्ण महानुभावलाई स्वागत गर्दै काठमाडौँ उपत्यका ट्राफिक प्रहरी कार्यालयका प्रमुख प्रहरी वरिष्ठ उपरीक्षक नवराज अधिकारीले बाढी पहिरोका कारण सडक अवरुद्ध भइ अप्रिय घटना घट्नुका साथै जन धनको क्षति समेत हुन सक्ने भएकाले प्राकृतिक प्रकोपबाट हुने जोखिम न्यूनिकरणका लागि नागरिक सहायता कक्षको स्थापना गरिएको बताउनुभयो । जसबाट सवारी चालक तथा यात्रुहरुले सडकको अवस्थाबारे जानकारी लिइ यात्रा गर्ने तथा सावधानीका उपाय समेत अपनाउन सक्ने कुरामा उहाँले जोड दिनुभयो । कार्यक्रममा नेपाल प्रहरीका कर्मचारी, यातायात व्यवसायी, नागरिक समाज, सञ्चारकर्मी र सर्बसाधरण लगायत ५ सय जनाको उपस्थिति रहेको थियो ।

जेठ २३, दुर्घटना खवर ।

२०८२-०२-२३

स्याङजाको फेदीखोला गाउँपालिका १ कुभिण्डेमा आज बिहान ट्रकमा ठोकिएर स्कुटर पल्टिदा चालकको मृत्यु भएको छ । मृत्यु हुनेमा स्कुटर चालक स्थानिय ३३ वर्षीया जितमाया थापा रहेकी छिन् । गम्भिर घाइते भएकी थापालाई उपचारको लागि प्रदेश अस्पताल पुतलीबजार स्याङजा पठाईएकोमा चिकित्सकले मृत घोषणा गरेका हुन् । कुभिण्डेबाट पोखरातर्फ जाँदै गरको ना ४ ख ९३३१ नम्बरको ट्रकलाई ओभरट्याक गर्ने क्रममा आज बिहान पौने ८ बजे सोही दिशातर्फ जाँदै गरेको ईम्बोट नम्बर AAB 02 43 नम्बरको स्कुटर ट्रकमा ठोकिएर पल्टिएको हो । ट्रक चालकलाई नियन्त्रणमा लिएको प्रहरी चौकी फेदीखोला स्याङजाले जनाएको छ ।रुपन्देहीको बुटवल उप-महानगरपालिका ८ सुख्खानगरमा आज बिहान टिपरको ठक्कटबाट साईकलयात्रीको पुरुषको मृत्यु भएको छ । मृत्यु हुनेमा रुपन्देहीकै देवदह नगरपालिका १० चरङगेका ६९ वर्षीय प्रेम नारायण ज्ञवाली रहेका छन् । गम्भिर घाइते भएका उनको उपचारको क्रममा लुम्बिनी प्रादेसिक अस्पताल बुटवलमा मृत्यु भएको हो । महेन्द्रराजमार्गमा पश्चिमबाट पुर्बतर्फ जाँदै गरेको लु २ ख ५०३१ नम्बरको टिपरले बिपरित दिशातर्फ जाँदै गरेको साइकललाई आज बिहान पौने ६ बजे ठक्कर दिएको हो । टिपर सहित चालकलाई नियन्त्रणमा लिएको वडा प्रहरी कार्यालय बुटवल रुपन्देहीले जनाएको छ ।कास्कीको पोखरा महानगरपालिका २९ भण्डारढिकमा आज बिहान रोकिराखेको टिपरमा मोटरसाइकल ठोकिदा चालकको मृत्यु भएको छ । मृत्यु हुनेमा मोटरसाइकल चालक उदयपुरको कटारी नगरपालिका १ का ३१ वर्षीय भिम बहादुर बि.क. रहेका छन् । गम्भिर घाइते भएका उनको उपचारको क्रममा पश्चिम क्षेत्रीय अस्पताल पोखरामा मृत्यु भएको छ । पोखराबाट तनहुँतर्फ जादै गरेको ग १० प ४९९२ नम्बरको मोटरसाइकल आज बिहान ५ बजे सडकको छेउमा रोकीराखेको ग १ क ४२०४ नम्बरको टिपरमा ठोकिएर पल्टिएको हो । दुबै सवारी साधन नियन्त्रणमा रहेको इलाका प्रहरी कार्यालय शिशुवा कास्कीले जनाएको छ ।