जेठ २० गते, दिउँसो ०३:३० बजेको, ट्राफिक अपडेट
२०८२-०२-२०
काठमाडौं उपत्यकाको सवारी आवागमन सामान्य रहेको छ । कालोपत्रेको काम भइरहेकाले फर्पिङबाट हुमाने-फाखेल हुँदै हेटौडातर्फ जाने तथा आउने सवारी साधनलाई आज पनि सञ्चालनमा रोक लगाइएको छ । अन्य नाकाको सवारी आवागमन भने सामान्य रहेको छ । सर्वसाधारणको सुविधालाई मध्यनजर गरी आज पनि काठमाडौं उपत्यकाका दुई रुटमा नेपाल प्रहरीले नि:शुल्क बस सेवा सञ्चालनमा ल्याएको छ । एउटा बस नक्सालबाट बालुवाटार, टिचिङ, चक्रपथ, नयाँबसपार्क, बालाजु, स्वयम्भू, कलंकी, बल्खु, सातदोबाटो, लगनखेल, जावलाखेल, थापाथली, माइतीघर, पुतलीसडक, जयनेपाल हल हुँदै पुन: नक्सालसम्म जानेछ । जसका लागि यात्रुले ९८४६६९२५४७ मा सम्पर्क गर्न सक्नेछन् । त्यस्तै, अर्को रूटमा नक्साल, रातोपुल, गौशाला, एयरपोर्ट, कोटेश्वर, ठिमी, सूर्यविनायक पुगेर फर्कने छ भने चाबहिल, सुकेधारा, चक्रपथ, टिचिङ, बालुवाटार हुँदै नक्सालसम्म पुग्नेछ । जसका लागि ९८४७९३५३९६ मा सम्पर्क गर्न सकिनेछ । यातायात व्यवसायीहरूले सार्वजनिक सवारी साधन बन्द गरेका कारण सर्वसाधारण मर्कामा परेपछि नेपाल प्रहरीले बस सञ्चालनमा ल्याएको हो ।
